सावेडीतील समर्थ शाळेजवळ स्वखर्चाने मार्गदर्शक फलक लावण्यास परवानगी द्या- निवेदन माजी सभागृह नेते मनोज दुलम

सावेडीच्या समर्थ शाळेजवळ सकाळी व सायंकाळी मोठ्या प्रमाणात वाहनांची वर्दळ असते. त्यामुळे अनेक छोटे मोठे अपघात या भागात होत आहेत. यासाठी या भागात गतिरोधक बसवणे आवश्यक आहे. तसेच शालेय विद्यार्थ्यांना व नागरिकांच्या सोयीसाठी याभागात स्वखर्चाने मार्गदर्शक फलक लावण्यास परवानगी द्यावी, या मागणीचे निवेदन माजी सभागृह नेते मनोज दुलम यांनी मनपा आयुक्त यशवंत डांगे यांना दिले आहे. आयुक्त यशवंत डांगे यांनी शहर अभियंता मनोज पारखे यांना तातडीने गतिरोधक टाकण्यासाठी सूचना करून मनोज दुलम यांना स्वखर्चाने फलक लावण्यास परवानगी दिली.

यावेळी अभिजीत चिप्पा, सागर येमुल, अक्षय पत्तीबागा, रमेश वल्लम, अंबादास वंगर, किरण उद्दगीर, सागर सग्गम, श्रीकांत गुंटला व राजू लयचेट्टी उपस्थित होते.