अहिल्यानगरच्या मुख्य बाजारपेठेतील गंज बाजार पोलीस चौकी लवकरच सुरु होणार.

अहिल्यानगर येथील मुख्य बाजारपेठेत असलेली आणि गेल्या अनेक महिन्यांपासून बंद असलेली गंज बाजार पोलीस चौकी लवकरच दुरुस्त करून पुन्हा सुरू केली जाणार आहे.

२२ जून रोजी कोतवाली पोलीस ठाण्याचे पोलीस निरीक्षक नितीन देशमुख यांनी या चौकीची प्रत्यक्ष पाहणी केली. गंज बाजार हा सराफ बाजार, कापड बाजार आणि डाळ मंडईने वेढलेला अत्यंत गजबजलेला परिसर असल्याने येथे ग्राहकांची मोठी गर्दी असते. येथील वाढती गुन्हेगारी, रस्त्यावरील अतिक्रमणे आणि नागरिकांच्या वाहतुकीतील अडथळे दूर करण्यासाठी ही चौकी त्वरित सुरू करावी, अशी स्थानिक नागरिक व विविध संघटनांची जुनी मागणी होती.

पोलीस निरीक्षक देशमुख यांनी दिलेल्या आश्वासनामुळे लवकरच येथील गैरप्रकारांना आळा बसेल आणि कारवाईची मोहीम तीव्र केली जाईल.