घरगुती बिझनेस करतात म्हणून काही लेडीज लेडीजनाच फसवतात – फसवणारे कस्टमर या सत्य गोष्टीवर लेख

खुप जणींचे फोन येतात की मॅडम माझी फसवणूक झाली.. अशा एकीने ऑर्डर दिली मी पुर्ण केली पण मला तिने पेमेंट केले नाही.. अनेक जणी  बिझनेस करत आहेत. आणि त्या अशाच पद्धतीने फसवल्या जाऊ शकतात म्हणून आज लिहावं असं वाटलं.

शिवाय इतर कस्टमरांना  सुद्धा कळलं पाहिजे की  – का.. कॅश ऑन डिलिव्हरी देता येत नाही. का.. हाफ पेमेंट आधी करायला पाहिजे…

उदा –  १) एका लेडीज नी दिवाळीमध्ये एका नवीन कस्टमरला फराळ पाठवला होता. फराळ देतानाच त्यांनी पुष्कळ त्रास दिला. सतत पदार्थ कमी जास्त करणे. त्यामुळे सतत बिल बदलायला लावणे वगैरे. अखेर त्यांनी एकूण तीन पदार्थ मागवले. त्याचे नऊशे रुपयाचे बिल झाले. त्यांना पाठवले. पण पैसे लगेच नाही मागितले.

२) त्यांनी कधीतरी पेमेंट केले होते त्या लेडीज ला.. आणि तोच स्क्रीन शॉट परत पाठवला. पण त्या लेडीज नी घरच्या दिवाळीत आणि एका कार्यक्रमांमध्ये बिझी असल्यामुळे तो उघडून बघितला नाही. सगळेच सभ्य लोक मागितले की पैसे देतात. तसा विश्वास ठेवला ..

दिवाळी झाली की सगळा हिशोब करायला ती लेडीज बसते. तेव्हा तिला पैसे कमी आल्याचे लक्षात आलं. त्या लेडीज नी त्या कस्टमर ला ताबडतोब मेसेज केला की तुम्हाला 900 रुपयाचं बिल दिलेलं असताना तुम्ही मला 625 रुपये दिलेले आहेत.

तर त्यांचं म्हणणं की जो तुमचा माणूस डिलिव्हरीला आला होता त्याच्या हातात मी तेव्हाच मी पैसे दिले.त्यामुळे आता मी तुम्हाला कोणतेही पैसे देणार नाही. असा कोणताही मेसेज / फोन त्यांनी त्या लेडीज ला केला नव्हता. अर्थातच त्यांच्याकडे याचे कोणतेही प्रूफ नाही. आणि त्यांनी ब्लॉक करून टाकले..

नेहमी लक्षात ठेवा – 

१) घरगुती बिजनेस मधून जेव्हा तुम्ही असे पदार्थ ऑर्डर करता तेव्हा दारात डिलिव्हरीला माणूस आल्यानंतर त्याच्या कडे  पेमेंट करायचे नसते.

२) समजा तुम्हाला त्या प्रॉडक्टमध्ये ताबडतोब काही प्रॉब्लेम दिसला जसे की पार्सल फुटले आहे, त्यातून तेल बाहेर आलेले आहे वगैरे तर ते तुम्ही तिथे रिटर्न केल्यास समजून घेऊ शकतो. पण त्याही गोष्टीचे तुम्हाला प्रूफ द्यावे लागते.

३) मैत्रिणींनो आपण सगळेच घरगुती काम करुन इतर काम करत असतो. ऑर्डर घेणे, बिल करणे वगैरे. त्यामुळे आपल्याला अनेकदा लोकांना कडक भाषेतले नियम  लिहून पाठवायला जीवावर येतं. पण ते लिहून पाठवायला पाहिजेत ते या कस्टमरांसाठीच..

अर्थातच तुम्ही वेगवेगळ्या परिस्थितीचा विचार करून नियम बनवाल पण त्यावर कडी करून पैसे बुडवायला बसलेले कस्टमर तुम्हाला भेटत राहतीलच.

४) नवीन कस्टमर कडून पैसे घेतले नाहीत आणि मग त्याने पैसे बुडवलेत असा हा पहिला प्रसंग नाही. असे प्रसंग पूर्वीही आलेले असतातच..पण कधीतरी आपण सणावाराच्या काळात विश्वास ठेवतो आणि असे फसतो. रक्कम अतिशय किरकोळ आहे. पण प्रत्येक लेडीज साठीच ते मेहनतीचे असतात..कायम लक्षात ठेवा..

AR न्युज लेडीज स्पेशल चॅनेल मुख्य संपादिका. Whatsupp – 9503590058, calling-  7588339644..