अहमदनगर शहर विधानसभा मतदारसंघात अखेर महाविकास आघाडीच्या वतीने माजी महापौर अभिषेक कळमकर यांना उमेदवारी जाहीर करण्यात आली आहे. राष्ट्रवादीच्या शरद पवार गटाशी एकनिष्ठ असलेले दादाभाऊ कळमकर यांच्या कुटुंबात उमेदवारी देण्यात आल्यानंतर पुन्हा एकदा शरद पवार यांनी कळमकर परिवारावर विश्वास दाखवल्याचे चित्र आहे.
अभिषेक कळमकर हे अहमदनगर महापालिकेचे महापौर होते. कुठलीही गुन्हेगारी पार्श्वभूमी नसलेला एक स्वच्छ चारित्र्याचा उमेदवार विधानसभा निवडणुकीच्या निमित्ताने आता महाविकास आघाडीकडून रिंगणात उतरणार आहे. दुसरीकडे काँग्रेसकडून शहर जिल्हाध्यक्ष किरण काळे हे देखील निवडणूक लढवण्यासाठी प्रयत्नशील होते ते देखील आता काय भूमिका घेतील ? याकडे नगरकरांचे लक्ष लागून राहिलेले आहे.
