राज्य सरकारच्या माध्यमातून नगर शहराच्या विकासासाठी टप्प्याटप्प्याने मोठा निधी प्राप्त होत आहे.
महाराष्ट्राचे आराध्य दैवत छत्रपती शिवाजी महाराज मिरवणूक मार्गावरील पहिल्या टप्प्यातील नगर शहरातील प्रवेशद्वार छत्रपती शिवाजी महाराज चौक ते नगर शहराचे ग्रामदैवत श्री विशाल गणपती मंदिरापर्यंतचा रस्ता कॉंक्रिटीकरण कामासाठी राज्य सरकारकडून भारतरत्न डॉ.बाबासाहेब आंबेडकर सामाजिक विकास योजनेंतर्गत ४ कोटींचा निधी मंजूर झाला आहे.
उर्वरित मिरवणूक मार्गावरील दुसऱ्या टप्प्याचे काम लवकरच मंजूर होईल, या माध्यमातून नगर शहराचा शाश्वत विकास हाच अजेंडा आम्ही राबवत आहे, अशी माहिती आमदार संग्राम जगताप यांनी दिली.
