गुलमोहर रोड येथील चैत्रबन कॉलनीमध्ये दोन घरांमध्ये झालेल्या चोरीच्या घटनांनंतर नगरसेवक योगीराज गाडे परिसराला भेट देऊन नागरिकांशी संवाद..
गुलमोहर रोड येथील चैत्रबन कॉलनीमध्ये दोन घरांमध्ये झालेल्या चोरीच्या घटनांनंतर संबंधित परिसराला भेट देऊन नागरिकांशी संवाद साधला. तसेच काही दिवसांपूर्वी समता नगर येथे घडलेल्या चोरीच्या घटनेच्या पार्श्वभूमीवर तेथील नागरिकांचीही भेट घेत त्यांच्या समस्या व भावना जाणून घेतल्या.
यावेळी तोफखाना पोलीस ठाण्याच्या संबंधित अधिकाऱ्यांशी दूरध्वनीद्वारे चर्चा करून परिसरात रात्रीच्या वेळेस नियमित व अधिक प्रभावी पोलीस गस्त वाढविण्याची तसेच या चोरीमागील आरोपींचा तातडीने शोध घेऊन त्यांना अटक करण्याची मागणी केली.
याचबरोबर सर्व नागरिकांना आवाहन केले की, घाबरून न जाता सतर्क राहा. आपल्या परिसरात कोणतीही संशयास्पद हालचाल आढळल्यास त्वरित पोलिसांना कळवा. नागरिकांचे सहकार्य आणि पोलिसांची तत्पर कारवाई यांच्या माध्यमातून अशा घटनांवर निश्चितच आळा घालता येईल.
आपल्या परिसराची सुरक्षा ही आपली सर्वांची सामूहिक जबाबदारी आहे. – नगरसेवक योगीराज गाडे
