राज्यस्तरीय सौंदर्यशास्त्र परिषदेला उत्स्फूर्त प्रतिसाद सोबतच सौंदर्यतज्ज्ञ सहभागी
पुणे
‘असोसिएशन ऑफ ब्युटी थेरपी अँड कॉस्मेटोलॉजी’ (ABTC) ने सौंदर्य क्षेत्राला शैक्षणिक दर्जा प्राप्त करून देण्यात महत्त्वपूर्ण भूमिका बजावली आहे.
गेल्या ४० वर्षांपासून ही संस्था ‘एस्थेटिक्स’ (सौंदर्यशास्त्र) मधील व्यावसायिक प्रशिक्षण देऊन हजारो महिलांना आर्थिकदृष्ट्या सक्षम करत आहे.
अलीकडेच, या असोसिएशनच्या नवनिर्वाचित अध्यक्षा अंजली जोशी यांच्या नेतृत्वाखाली पुण्यात दोन दिवसीय राज्यस्तरीय ‘एस्थेटिक्स कॉन्फरन्स’ आयोजित करण्यात आली होती.
या परिषदेदरम्यान, क्षेत्रातील तज्ज्ञ मनीष जानी आणि इतर तज्ज्ञ एस्थेटिशियन्सनी त्वचेची रचना (skin anatomy) आणि त्वचेचे विश्लेषण (skin analysis) या विषयांवर सत्रे घेतली.
प्रदूषण आणि बदलत्या जीवनशैलीमुळे उद्भवणाऱ्या त्वचेच्या आधुनिक समस्यांवर उपाय म्हणून, त्यांनी ‘मशीन लर्निंग’ आणि ‘आर्टिफिशियल इंटेलिजन्स’ (AI) चा वापर करून प्रगत ‘पॅरामेडिकल’ उपचारांचे प्रात्यक्षिक दाखवले.
परिषदेच्या समारोप समारंभास सहाय्यक पोलीस आयुक्त (खंडाळा) स्मिता जाधव यांनी प्रमुख पाहुण्या म्हणून उपस्थिती लावली. संस्थेच्या प्रशिक्षणाचा लाभ मोठ्या शहरांबरोबरच लहान शहरे आणि ग्रामीण भागांपर्यंतही पोहोचावा, यासाठी अनेक सदस्यांची ‘राज्य समन्वयक’ (State Coordinators) म्हणून नियुक्ती करण्यात आली.
प्रमुख पाहुण्या स्मिता जाधव यांच्या हस्ते सुजाता बोडके (मुंबई), सायली मेहता (अहिल्यानगर), प्रतीक्षा कन्से (सातारा), सुमन श्रीगादी (अहिल्यानगर), पूजा महाले (कल्याण), अस्मिता भाटे (सांगली), सुजाता सुतार (इचलकरंजी), स्वाती कदम (ईश्वरपूर), नयना परुळेकर (कोल्हापूर), स्वाती ओक (सातारा), स्वाती कापसे (परभणी) आणि दीपाली जगताप (संभाजीनगर) यांना समन्वयकपदाची नियुक्तीपत्रे अधिकृतपणे प्रदान करण्यात आली.
गेली ४० वर्षे संस्थेने सौंदर्यशास्त्र क्षेत्रात प्रशिक्षण देत हजारो महिलांना आर्थिकदृष्ट्या सक्षम करण्याचे कार्य केले असल्याचा गौरव यावेळी करण्यात आला.
या कार्यक्रमास ABTC च्या अध्यक्षा स्मिता देव, खजिनदार नम्रता गौड, सचिव वंदना जगताप, दीपा भागवत व बिना चेट्टी (शिक्षण विभाग प्रमुख), गीता परदेशी व रश्मी तापकीर (कार्यक्रम प्रमुख), तसेच राखी राठोड व नीशा भंडारे (उपसमिती सदस्य) उपस्थित होत्या.
