धीरज परदेशी यांच्यावर झालेल्या प्राणघातक हल्ला प्रकरणानंतर आरोपींच्या घरांबाबत अनधिकृत बांधकामाच्या नोटिसा..

मुकुंदनगर धीरज परदेशी हल्ला प्रकरणाला नवे वळण..आरोपींच्या घरांवर ग्रामपंचायतीची कारवाई? अनधिकृत बांधकामांचा ठपका..नागरदेवळे ग्रामपंचायतीकडून संबंधितांना नोटिसा..

मुकुंदनगर परिसरातील मनपा कर्मचारी धीरज परदेशी यांच्यावर झालेल्या प्राणघातक हल्ला प्रकरणानंतर आता आरोपींच्या घरांबाबत ग्रामपंचायतीकडून करण्यात आलेल्या कारवाईची माहिती समोर आली आहे. नागरदेवळे ग्रामपंचायतीने संबंधित घरमालकांना अनधिकृत बांधकाम केल्याप्रकरणी नोटिसा बजावल्याचे सांगण्यात येत आहे.

मिळालेल्या माहितीनुसार, या नोटिसा संदर्भ क्रमांक २४/०६ आणि ०७/१०८ अन्वये जारी करण्यात आल्या आहेत. संबंधित बांधकामांबाबत ग्रामपंचायतीने नियमांनुसार कार्यवाहीची प्रक्रिया सुरू केल्याचे दिसून येते.

दरम्यान, धीरज परदेशी यांच्यावरील हल्ल्यामुळे मुकुंदनगर परिसरासह अहिल्यानगरमध्ये मोठी चर्चा आणि संतापाचे वातावरण निर्माण झाले होते. त्यानंतर आरोपींच्या घरांबाबत अनधिकृत बांधकामाच्या नोटिसा समोर आल्याने या प्रकरणाला आणखी एक वेगळे वळण मिळाले आहे.

नोटिसा बजावल्यानंतर नागरदेवळे ग्रामपंचायत प्रशासन पुढे नेमकी कोणती कारवाई करणार? बांधकामांवर प्रत्यक्ष कारवाई होणार की संबंधितांना खुलासा आणि कागदपत्रे सादर करण्याची संधी दिली जाणार, याकडे आता नागरिकांचे लक्ष लागले आहे.