अहिल्यानगर महानगरपालिकेच्या अतिक्रमण विभागामार्फत बालिकाश्रम रोड येथील महालक्ष्मी उद्यान परिसरात कारवाई करण्यात आली. उद्यानाबाहेर उभ्या असलेल्या खाद्यपदार्थांच्या हातगाड्या तसेच अनधिकृत अतिक्रमण गाड्या जप्त करून जमीनदोस्त करण्यात आल्या.
या उद्यानामध्ये दररोज मोठ्या प्रमाणावर नागरिक व लहान मुले येत असल्यामुळे अतिक्रमणामुळे वाहतुकीस अडथळा निर्माण होत होता व परिसरात अस्वच्छता वाढत होती. ही बाब लक्षात घेऊन महानगरपालिकेने ठोस पाऊल उचलले आहे.
सर्व व्यावसायिकांना स्पष्ट सूचना देण्यात येत आहे की, सार्वजनिक ठिकाणी अतिक्रमण करू नये. यापुढे अतिक्रमण आढळल्यास दंडात्मक कारवाई करून गुन्हा दाखल करण्यात येईल.
नागरिकांनी सहकार्य करा रस्ते मोकळे ठेवा, शहर सुंदर बनवा..
