महाराष्ट्रसामाजिक
हिरकणी सौ.अनिता गुजर यांनी त्यांच्या नातीसाठी कवितास्वरुपात शुभेच्छापत्र..
डोंबिवली
हिराण्या राहुल गुजर….
वाढदिवसाच्या आभाळभर शुभेच्छा हिरण्या ..
जशी सायलीची कळी, सोनचाफ्याची पाकळी
तशी नाजूक, देखणी हिरण्या आहे सोनसळी
यावी पुनवेच्या राती जशी शकुनचाहूल,
तसं अंगणी भावाच्या तिचं इवलं पाऊल
हसू तिचं जशी बरसावी वळवाची सर,
चांदण्याची गोड खळी गोबऱ्याशा गालांवर
ओठी घेऊन आली ती गोड चैतन्याची गाणी
जसं पहाटेचं स्वप्न, जशी परीची कहाणी…
लाडाकोडात वाढली माझी लेक कौतुकाची,
आली जाण छकुलीला मायबापाच्या सुखाची..
देवा, माझ्या चिमणीला लाभो आनंदी घर,
मिळो अतोनात प्रेम, देई एवढाच वर..
औक्ष लाभू दे उदंड, आहे आमची लाडाची परी
जन्मोजन्मी लेक होऊन ती गुजरांच्या घरी…
तुझी लाडकी आजी
हिरकणी सौ.अनिता गुजर..
