अहिल्यानगरचा औद्योगिक नकाशा बदलणार.. हजारो तरुणांना रोजगाराची संधी 1039 कोटींच्या प्रकल्पाला कॅबिनेटची मंजूरी

स्थानिक लोकांमध्ये या बातमीचं जोरदार स्वागत होत आहे. आपल्या मुलांना गाव सोडून नोकरीसाठी बाहेर जावं लागणार नाही, ही आशा त्यांना या प्रकल्पाने दिली आहे. हा प्रकल्प लवकर सुरू होऊन वेळेत पूर्ण व्हावा, अशी सगळ्यांची इच्छा आहे. हा प्रकल्प जिल्ह्याच्या प्रगतीला नवी दिशा देणारा ठरेल, यात शंका नाही.

सिलोन बेव्हरेज ही नावाजलेली कंपनी सुपा एमआयडीसी परिसरात १०३९ कोटी रुपयांचा प्रकल्प उभारणार आहे. या प्रकल्पाला राज्य मंत्रिमंडळाने नुकतीच मंजुरी दिली आहे.

यामुळे जिल्ह्याला आर्थिक चालना तर मिळेलच, पण स्थानिक तरुणांना रोजगाराच्या नव्या संधीही उपलब्ध होतील. या भागात आधीपासूनच काही मोठ्या कंपन्या कार्यरत आहेत, आणि आता सिलोन बेव्हरेजच्या आगमनाने अहिल्यानगर उद्योग क्षेत्रात आपलं नाव आणखी मोठं करणार आहे.

या प्रकल्पामुळे सुमारे २ ते ३ हजार स्थानिकांना नोकऱ्या मिळण्याची शक्यता आहे. सिलोन बेव्हरेज ही कंपनी सॉफ्ट ड्रिंक, एनर्जी ड्रिंक आणि मिनरल वॉटरच्या कॅन्स बनवणार आहे, ज्याची बाजारात मोठी मागणी आहे.

स्थानिक तरुणांना कुशल कामगार म्हणून प्रशिक्षण देऊन त्यांना या उद्योगात सामावून घेण्याचा प्रयत्न होऊ शकतो, असं तज्ज्ञ सांगतात. हा प्रकल्प दावोस येथील जागतिक आर्थिक परिषदेत झालेल्या कराराचा भाग आहे.

हा प्रकल्प फक्त तरुणांसाठीच नाही, तर शेतकऱ्यांसाठीही फायद्याचा ठरणार आहे. या प्रकल्पासाठी लागणारा कच्चा माल आणि इतर संसाधनं स्थानिक पातळीवरून घेतली जाऊ शकतात.

यामुळे शेतकऱ्यांना शेतीला जोडधंदा मिळेल आणि त्यांचं उत्पन्न वाढण्यास मदत होईल. शिवाय, या प्रकल्पामुळे सुपा परिसरात रस्ते, वीज, पाणी यासारख्या पायाभूत सुविधांचा विकासही वेगाने होईल. या सुधारणांचा फायदा संपूर्ण जिल्ह्याला मिळणार आहे. स्थानिकांना यामुळे आपल्या गावातच रोजगार मिळेल, ही बाब या प्रकल्पाचं खास आकर्षण आहे.

सिलोन बेव्हरेजच्या या १०३९ कोटींच्या गुंतवणुकीमुळे अहिल्यानगरचा औद्योगिक नकाशा बदलण्याची शक्यता आहे. या भागात आधीच अनेक मोठ्या कंपन्यांनी गुंतवणूक केली आहे, आणि आता या नव्या प्रकल्पाने हा परिसर उद्योगांचं मोठं केंद्र बनत चालला आहे.