सचिन तेंडुलकर पुन्हा क्रिकेटच्या मैदानात उतरणार

सर्वांचा लाडका भारताचा मास्टर ब्लास्टर खेळाडू सचिन तेंडुलकर पुन्हा एकदा मैदानात उतरणार आहे. सचिनला मैदानात पुन्हा एकदा खेळताना पाहण्याची संधी मिळणार आहे. मास्टर ब्लास्टरनेही यासाठी तयारी सुरू केली आहे. भारतीय संघातील अव्वल खेळाडू म्हणून प्रसिध्द असलेले खेळाडू मात्र सचिन तेंडूलकरच्या विरूध्द खेळताना दिसणार आहे.

युवराज सिंग आणि ,सचिन तेंडुलकरचा संघ एकमेकांविरूध्द खेळताना दिसतील. तर सोबतच हरभजन सिंगही आपली जादू दाखवताना दिसणार आहे.

वन वर्ल्ड वन फॅमिली कप अंतर्गत, मुद्देनहल्लीच्या सत्य साई व्हिलेजमधील साई कृष्णन क्रिकेट स्टेडियमवर १८ जानेवारी रोजी जगभरातील मोठे स्टार्स आपली जादू पसरवणार आहेत. तो श्री मधुसूदन साई ग्लोबल मानवतावादी मिशनसाठी चॅरिटी सामने खेळणार आहेत आणि सामाजिक कार्यात योगदान देईल.

३० हून अधिक देशांमध्ये पोषण, शिक्षण आणि आरोग्य या विषयांवर मिशन चालवणाऱ्या ट्रस्टने ‘वन वर्ल्ड वन फैमिली कप’ म्हणून मैत्रीपूर्ण क्रिकेट सामना आयोजित केला आहे.

या ऐतिहासिक सामन्यासाठी एका संघाचे नेतृत्व अनुभवी भारतरत्न पुरस्कार विजेता सचिन तेंडुलकर करणार आहे तर दुसऱ्या संघाचे नेतृत्व पद्मश्री पुरस्कार विजेता युवराज सिंग करणार आहे.

हरभजन सिंग, मुथय्या मुरलीधरन, इरफान पठाण, चामिंडा वास, आरपी सिंग, मॉन्टी पानेसर, डॅनी मॉरिसन, व्यंकटेश प्रसाद यांच्यासह अनेक तगडे क्रिकेटपटू त्यांच्यासोबत मैदानात उतरतील.

सचिन तेंडुलकर खेळात पुनरागमन करत आहे आणि युवराज सिंग केवळ क्रिकेटच्या थरारासाठीच नाही तर एका चांगल्या कारणासाठीही आपल्या संघांचे नेतृत्व करणार आहे. ‘वसुधैव कुटुंबकम‘ या भावनेने पाच हजाराहून अधिक ग्रामीण विद्यार्थ्यांना मोफत शिक्षण देण्याचे ‘वन वर्ल्ड वन फॅमिली कप’चे उद्दिष्ट आहे. महान सुनील गावस्कर यांच्यासह १९८३ च्या विश्वचषक विजेत्या संघातील अनेक खेळाडू या सामन्यासाठी उपस्थित राहणार असल्याची माहिती आहे.

सुनील गावस्कर यांनी ही खेळी आपल्या आयुष्यातील सर्वोत्तम खेळी असल्याचे म्हटले आहे. मधुसूदन साई ग्लोबल मानवतावादी मिशनने यापूर्वीच महत्त्वपूर्ण योगदान दिले आहे. २८ हजाराहून अधिक मोफत हृदय शस्त्रक्रिया केल्या आहेत आणि ग्रामीण भारतातील ३ दशलक्षाहून अधिक शालेय मुलांना दैनंदिन पोषण पुरवले आहे.