लग्नाचे आमिष दाखवून २० वर्षीय युवतीवर कॅफे व हॉटेलमध्ये अत्याचार केल्याची घटना समोर आली आहे.
नगर तालुक्यातील एका गावात राहणार्या पीडित युवतीने याप्रकरणी दिलेल्या फिर्यादीवरून कोतवाली पोलीस ठाण्यात नेवासा तालुक्यातील तरूणाविरोधात अत्याचार, अॅट्रोसिटी कलमानुसार गुन्हा दाखल करण्यात आला आहे.
अक्षय राजेंद्र वाबळे (रा. नारायणवाडी ता. नेवासा) असे गुन्हा दाखल झालेल्या तरूणाचे नाव आहे. सदरची घटना १५ जून २०२३ ते १७ मार्च २०२४ दरम्यान वेळोवेळी नगर शहरातील बुरूडगाव रस्त्यावरील चाणक्य चौकात असलेल्या रिचकिंग कॅफेत व दौंड रस्त्यावरील हॉटेल राजवीर येथे घडली. सोमवार (दि. २५ मार्च) गुन्हा दाखल झाला आहे. अक्षय याची फिर्यादी युवतीसोबत ओळख झाली. त्याने तिला लग्नाचे आमिष दाखवून विश्वास संपादन केला.
