नगर तालुक्यात ‘अक्षय दादा प्रतिष्ठान’ ची स्थापना.. युवा नेते अक्षय कर्डिले यांनी सांगितली प्रतिष्ठानाची भूमिका

समाजातील वंचितांसाठी नवा दीपस्तंभ – अक्षय दादा प्रतिष्ठान’ची भव्य स्थापना

सोनू दरेकर यांच्या पुढाकाराने, युवा नेते अक्षय कर्डिले यांच्या हस्ते शिराढोन येथे उद्घाटन सोहळा उत्साहात पार..

नगर तालुकातील  समाजातील वंचित, निराधार व गरजू घटकांना आधार देण्यासाठी आणि त्यांना नवे जीवन जगण्यासाठी प्रोत्साहन देण्याच्या उद्देशाने ‘अक्षय दादा प्रतिष्ठान महाराष्ट्र राज्य’ या सामाजिक संस्थेची भव्य स्थापना करण्यात आली आहे. नगर तालुक्यातील शिराढोन येथे झालेल्या या प्रतिष्ठानाच्या उद्घाटनाचा मान युवा नेते अक्षय दादा कर्डिले यांच्या हस्ते संपन्न झाला.

या प्रतिष्ठानाच्या स्थापनेमागे सोनू दरेकर यांचा मोलाचा पुढाकार असून त्यांच्या अथक प्रयत्नांना आता दिशा मिळाली आहे. समाजकार्याची नाळ जपणारे अक्षय दादा कर्डिले यांनी आजवर ‘जनता दरबार’च्या माध्यमातून नागरिकांच्या असंख्य समस्या सोडवून दिल्या. आता या नव्या प्रतिष्ठानाच्या माध्यमातून गरजू, निराधार, वंचित आणि गरीब घटकांना थेट मदतीचा हात दिला जाणार आहे.

उद्घाटन सोहळ्याला परिसरातील असंख्य नागरिक, कार्यकर्ते, पदाधिकारी मोठ्या संख्येने उपस्थित होते. उपस्थितांना संबोधित करताना अक्षय दादा कर्डिले म्हणाले की, “समाजातील कुणीही व्यक्ती मदतीपासून वंचित राहू नये, हीच खरी या प्रतिष्ठानाची भूमिका आहे. सोनू दरेकर यांनी या कार्याला जी दिशा दिली आहे, त्यामुळे अनेक कुटुंबांना जगण्याची नवी प्रेरणा मिळेल. हे प्रतिष्ठान फक्त मदतच करणार नाही, तर समाजात आशेचा किरण ठरेल.

सोनू दरेकर यांनीही या प्रसंगी बोलताना सांगितले की, “अक्षय दादा कर्डिले यांच्या प्रेरणेने आणि मार्गदर्शनाने आम्ही हे प्रतिष्ठान उभारले आहे. येत्या काळात शिक्षण, आरोग्य, सामाजिक कार्य आणि मदत या चार स्तंभांवर प्रतिष्ठान कार्यरत राहणार आहे. हे कार्य सर्वसामान्यांच्या हिताचे ठरेल, हा आमचा विश्वास आहे.”

कार्यक्रमादरम्यान उपस्थित जनसमुदायाच्या उपस्थितीने शिराढोन गाव दणाणून गेले होते. अक्षय दादा प्रतिष्ठान ची स्थापना केवळ औपचारिक नसून, त्याचा ठसा समाजातील वंचित आणि निराधार घटकांच्या जीवनात उमटणार आहे, असा विश्वास नागरिकांनी व्यक्त केला.