भाजपला मोठा धक्का, मराठा आरक्षणाच्या मुद्द्यावरून बड्या नेत्याने ठोकला पक्षाला राम राम

आरक्षणावरून मराठा आंदोलक मनोज जरांगे यांच्या आक्रमक भूमिकेमुळे राज्यातील राजकारण ढवळून निघालं आहे. मनोज जरांगे यांच्या भूमिकेचे पडसाद राजकीय वर्तुळातही उमटू लागले आहेत. गेल्या दोन महिन्यांपासून मराठा आरक्षणावर तोडगा निघाला नसल्याचे दिसून येत आहे. याच मराठा आरक्षणाच्या मुद्द्यावरून भाजपच्या बड्या नेत्याने पक्षाला राम राम ठोकला आहे

मनोज जरांगे यांच्या उपोषणानंतरही मराठा आरक्षणावर तोडगा न निघाल्याने राजकीय वर्तुळातील वातावरण ढवळून निघालं आहे. यामुळे मराठा आरक्षणाच्या मुद्द्यावरून भारतीय जनता पक्षाचे पश्चिम महाराष्ट्र प्रदेश प्रवक्ते एकनाथ पवार यांनी भाजपला राम राम ठोकला आहे.

दरम्यान, दसऱ्याच्या दिवशी आपण आपली राजकीय भूमिका स्पष्ट करणार असल्याचंही पवार म्हणाले. त्यामुळे एकनाथ पवार यांच्या भूमिकेविषयी भाजप काय स्पष्टीकरण देते याकडे सर्वांचं लक्ष लागलं आहे.