श्री भावना ऋषी ज्येष्ठ नागरिक संघ पुणे शहर अंतर्गत तर्फे ज्येष्ठ समाज बांधवांचा सन्मान

पद्मशाली पंच कमिटी पुणे शहर अंतर्गत तर्फे रविवार दिनांक १ ऑक्टोबर रोजी जागतिक ज्येष्ठ नागरिक दिनानिमत्त औचित्य साधून आदरणीय संस्कृत पंडित श्री. वसंतराव गाडगीळसर , पुणे यांच्या शुभ हस्ते वय वर्ष ७५ व त्या पेक्षा अधिक वर्ष झालेल्या ज्येष्ठ समाज बांधवांचा सन्मान करण्यात आला.

कार्यक्रमाच्या अध्यक्षस्थानी पद्मशाली समाजाचे सामाजिक कार्यकर्ते मनिष अंदे,तसेच व्यासपीठा वरील सन्मानित ज्ञेष्ठ नागरिक संघाचे आधार स्तंभ मा. प्रभाकर जिंदम, प्रसिद्ध उद्योगपती बिडी कारखानदार सोमनाथ कैंची, महेश‌ चनमल  योगगुरू मा. फडके होते.

कार्यक्रमाच्या सुरवातीला मार्कंडेय महामुनी व भावना ऋषी यांच्या प्रतिमेला पुजन‌ केले. कार्यक्रमाचे प्रास्ताविक व आभारप्रदर्शन जेष्ठ नागरिक प्रभाकर जिंदम यांनी करून आदरणीय संस्कृत पंडित श्री. वसंतराव गाडगीळ सर आणि उपस्थित समाज बांधवांचे स्वागत केले.

मान्यवरांच्या सत्काराची उद्घोषणा करताना वधुवर सुचक मंडळाचे मा. शंकरराव मुत्याल सरांनी त्यांच्या भाषणात सांगितले की मोठ्या कष्टाने, जिद्दीने, मेहनतीने, कर्तृत्वाने जेष्ठ नागरिकांनी आजचे जग उभारले आहे. त्यांचे जगणे हे दुसर्यांना प्रेरणा दायी आहे याचा आम्हाला अभिमान आहे. म्हणून आजच्या जेष्ठ नागरिकांचा सन्मान  शाल श्रीफळ देऊन करण्यात आला आहे.

कार्यक्रमाच्या अध्यक्षस्थानी मनिष अंदे यांनी त्यांच्या भाषणात सांगितले की आजच्या २१ व्या शतकात समाजात जेष्ठांना खुप मानहानीकारक वागणूक देताना मन व्याकूळ होते. ज्यांनी आयुष्यभर खुप खस्ता खाऊन आपल्या मुलांना लहाना चे‌ मोठे केले. त्यांनी आपल्या मुलांच्या वाट्याला दुःख येऊ नये आयुष्य भर काबाडकष्ट केले. आज त्यांना घरा घरात उतार वयात दुर्लक्षित केले जाते. आणि वृध्दाश्रमा सारख्या ठिकाणी भरती केले जाते. त्यामुळे च वृध्दाश्रम हे वेगवेगळ्या ठिकाणी निघत आहे.

योगगुरू जेष्ठ नागरिक आदरणीय फडके सरांनी त्यांच्या भाषणात सांगितले की नित्य नेमाने योगासने केल्या ने मन‌ आनंदी राहते. पुढील चिंता करू नये. सुदृढ आणि निरोगी शरीर हीच खरी संपत्ती आहे.

कार्यक्रमाचे प्रमुख अतिथी आदरणीय गाडगीळ सरांनी त्यांच्या मनोगतात सांगितले की संस्कृत मधील प्रबोधन पर श्लोक सांगून गीते मधील १५ वा अध्याय स्मरण करण्यास सांगितले.‌ प्रत्यकक्षात मार्कंडेय महामुनी सर्वात श्रेष्ठ असुन त्यांच्या सेवेसाठी समाजा साठी तुम्ही वेळ द्यावा असे सांगितले.

कार्यक्रम यशस्वीतेसाठी पद्मशाली समाजातील सर्व पदाधिकारी, नरसय्या गंधाल, श्री व सौ. पुट्टा, अंबादास सामलेटी, आणि इतर सर्व जेष्ठ नागरिक बाॅडी मेंबर यांनी खुप मोलाची साथ दिली.