बिल्डिंगचे कंप्लिशन सर्टिफिकेट नसतांना बिल्डरने चुकीच्या पद्धतीने खरेदी दिली असल्या बाबत तक्रार अर्ज  

मा. जिल्हाधिकारी साहेब..अहिल्यानगर मध्ये चाललंय तरी काय..

विषय – बिल्डिंगचे कंप्लिशन सर्टिफिकेट नसतांना बिल्डरने चुकीच्या पद्धतीने खरेदी दिली असल्या बाबत तक्रार अर्ज..

अर्जदार- विजय लोंढे , ज्ञानेश्वर तेल्होरे , पंढरीनाथ पालवे, इतर..

महोदय,

उपरोक्त विषयान्वे सविनय निवेदन आहे कि, आम्ही सर्व अर्जदार यांनी बिल्डर सुबोद विनय पाठक , ज्ञानदेव सप्रे , आणि बिल्डर प्रकाश भानुदास कसबे यांच्या कडून मौजे नवनागपूर येथील सर्व्हे न.८८/२,११०/१अ,११०/१ब+१+२+३+४+,११०/२,१११/१+२ मधील प्लॉट नंबर 55,56,57 या प्लॉट वरील माऊली अपार्टमेट बिल्डिंग मधील फ्लॅट अन्डर कन्स्ट्रकशन असताना देखील बिल्डर प्रकाश भानुदास कसबे याने व सदर प्राव्हेट फायनॅन्स कंपनीने संगनमत करून बिल्डिंगचे कंप्लिशन सर्टिफिकेट नसतांना बिल्डिंगचे काम १ महिन्यात करून देतो तुम्ही फ्लॅटची खरेदी घेऊन टाका असे सांगून आम्हाला बळजबरी खरेदीखत करण्यास संगितले.

विजय एकनाथ लोंढे यांनी दि.०५/०६/२०१८ रोजी सह.दुय्यम निबंधक अहमदनगर यांच्याकडे दस्त क्रमांक ३२४०/२०१८ नुसार तसेच उरलेले बाकी फ्लॅट धारक यांना सुधा बिल्डर प्रकाश भानुदास कसबे बिल्डिंगचे काम १ महिन्यात करून देतो तुम्ही फ्लॅटची खरेदी घेऊन टाका असे सांगून ज्ञानेश्वर तेल्होरे , पंढरीनाथ पालवे, इतर यांनी सर्वांनी सुधा खरेदीखत करून केले.

आम्ही सर्वांनी वेगवेगळ्या फायनॅन्स कडून लोन घेऊन सदर फ्लॅट खरेदी केले होते, पण सदर फ्लॅट चे बांधकाम हे रेरा कायद्यामुळे सन २०१९ मध्ये बंद पडले, आहे आम्ही खरेदीखत केल्यामुळे सदर बिल्डर प्रकाश भानूदास कसबे यांना फ्लॅटची संपूर्ण रक्कम फायनॅन्स कडून मिळाली होती त्यामुळे सदर फायनॅन्स चे हफ्ते चालू झाले होते , पण फ्लॅट चे बांधकाम पूर्ण नसल्यामुळे आम्ही त्याठिकाणी राहू शकत नव्हतो. त्यामुळे सदर फायनॅन्स चे हफ्ते आमच्याकडून थकले. त्यामुळे सदर फ्लॅटचा ताबा हा फायनॅन्स कंपनीने घेतला आहे.

रेरा क्र.P ५२२०००१६५१५ मुळे काम बंद पडल्याने सदर बिल्डर प्रकाश कसबे हे सर्वांचे पेसे घेऊन सुधा ते फ्लॅट चे बांधकाम पूर्ण करून देत नाहीत तसेच फ्लॅट चे भरलेले पेसे सुधा परत देत नाही. आम्ही त्यांच्या वर पोलिस ठाण्यात तक्रार दाखल केली आहे 15/03/2022 तरी पण त्यांनी कामं पूर्ण केले नाही नंतर आम्ही जिल्हा विधी सेवा वकील घेऊन कोर्टात केस दाखल करण्यात आले होती परंतु तीथे पण वकीलच्या संगनमताने ग्राहक मंच येते केस लिहून नाही घेतली.

सदर बिल्डिंग ही नवनागपूर ग्रामपंचायत च्या हद्दी मध्ये येत असून आमच्या खरीदीखता नुसार या बिल्डिंग मध्ये आमची नोंद लागत नाही, कारण की आज पण या बिल्डिंग आणि जमिनीचे मूळ मालक सुबोद विनय पाठक असून आमची तीनही विनय आशा पाठक , ज्ञानदेव सप्रे , आणि बिल्डर प्रकाश भानुदास कसबे बिल्डर तसेच प्राव्हेट फायनॅन्स कंपनी कडून आमची सर्वांची फसवणूक झाली आहे.

ग्रामपंचायत मध्ये नोंद होत नसल्याने ते आम्हाला पाणी कनेक्शन सुधा देत नाहीत त्यामुळे आम्ही तेथे राहू शकत नाही त्यामुळे आम्ही फायनॅन्स चे सुधा हफ्ते भरू शकत नाही.

सदर बिल्डिंग मध्ये बिल्डर द्वारा मनमानी करून मुलांना भाड्यांनी अपूर्ण फ्लॅट भाड्याने दिले आहेत ते तिथे मनमानी पद्धतीने तसेच त्या भाडेकरू हे गुंड प्रवृतीचे घातले जात आहेत आणि भाडेकरू मुळे सदर बिल्डिंग मध्ये पाणी व स्वछ्तेचा प्रश्न निर्माण होत आहे. मूळ फ्लॅट धारकांना बिल्डर कडून जाणून बुजून त्रास देण्यात येत आहे.

महोदय , कृपा करून माऊली अपार्टमेट बिल्डिंगची चौकशी करून खरीदीखता नुसार नोंद करण्याचे आदेश देण्यात यावेत तो पर्यंत बिल्डर च्या भाडेकरूंना बिल्डिंग मधून बाहेर काढावे अशी आमच्या सर्व फ्लॅट धारकांची ईछा आहे.

पीडित ग्राहक.                                                                                                                                      विजय लोंढे , ज्ञानेश्वर तेल्होरे , पंढरीनाथ पालवे

प्रत माहितीसाठी..

१ पोलिस अधीक्षक कार्यालय, अहिल्यानगर.