तक्षिला स्कूलमध्ये भव्य “बाल संगम 2025″ बालपणाचा उत्सव” कार्यक्रमाचे आयोजन

तक्षिला स्कूलतर्फे बाल संगम 2025 या भव्य बालमहोत्सवाचे आयोजन करण्यात येत आहे. हा आनंदोत्सव मंगळवार, 23 डिसेंबर 2025 रोजी सकाळी 10.00 ते सायंकाळी 6.00 या वेळेत तक्षिला स्कूल परिसर, जामखेड रोड, आर्मर्ड सेंटरजवळ, अहिल्यानगर येथे संपन्न होणार आहे.

बाल संगम 2025 हा मुलांच्या आनंद, सर्जनशीलता आणि कुटुंबीयांमधील नातेसंबंध साजरे करणारा उत्सव असून, मुलांसह पालकांसाठीही तो एक अविस्मरणीय अनुभव ठरणार आहे. मुलांना सुरक्षित, आनंददायी व सर्जनशील वातावरण उपलब्ध करून देणे हा या कार्यक्रमाचा मुख्य उद्देश आहे.

या उत्सवात मुलांसाठी विविध मनोरंजक खेळ, चविष्ट खाद्यपदार्थांचा फूड फेस्टिव्हल, कला व सर्जनशील उपक्रमांचे खास कॉर्नर्स, तसेच आकर्षक बक्षिसांसह मेगा लकी ड्रॉ यांचा समावेश असणार आहे. याशिवाय सरप्राइज सांता एंट्री, कार्टून कॅरेक्टर भेट, तसेच खरेदीसाठी स्टॉल्स व आकर्षक रिवॉर्ड्स ही विशेष आकर्षणे उपस्थितांना अनुभवता येणार आहेत.

बाल संगम 2025 हा कार्यक्रम सर्व मुलांसाठी व कुटुंबांसाठी खुला असून, तक्षिला स्कूलतर्फे सर्व नागरिकांना या आनंदोत्सवात सहभागी होण्याचे मनःपूर्वक आवाहन करण्यात येत आहे.