अहिल्यानगर शहरात सहा महिन्यांत ८ कोटी ११ लाख ८८ हजारांची सायबर फसवणूक..

अहिल्यानगर मधे शेअर ट्रेडिंग, डिजिटल अरेस्ट, ऑनलाईन शेअर ट्रेडिंग, ऑनलाईन चोरी, सोशल मिडिया जसे की फेसबुक, इन्टा, व्हाट्सअ‍ॅपवरुन बदनामी व फसवणुकीचे अहिल्यानगर जिल्ह्यात सहा महिन्यांत एकूण २६ गुन्हे दाखल झालेले आहेत.

यामध्ये नागरिकांची ८ कोटी ११ लाख ८८ हजार ८३८ रुपयांची विविध पद्धतीने ऑनलाईन फसवणूक झाली, त्यापैकी एक कोटी रुपये तक्रारदारांना परत मिळवून देण्यात यश आले असून बाकी गुन्ह्यांचा तपास सुरू आहे.. अशी माहिती सायबर गुन्हे शाखेचे पोलीस निरीक्षक सागर ढिकले यांनी दिली.

यामध्ये सर्वसामान्य नागरिकांकडून सायबर गुन्ह्यात मिळवलेली रक्कम वापरण्यासाठी बँक खात्याचा वापर केला जातो. काही प्रलोभन त्यांना दाखवली जातात. मात्र, ही रक्कम घेताना सायबर गुन्हेगार इतकाच बँक खातेदारही गुन्हेगार असतो, त्यावरही कारवाई केली जाते. त्यांचे खाते गोठवली जातात. त्यामुळे नागरिकांनी अशा आमिषाला बळी न पडता सतर्क रहावे, असे आवाहन सायबर पोलीस ठाण्याचे पोलीस निरीक्षक सागर ढिकले यांनी सांगितले.