वर्धमान महावीर कॉलेज ऑफ ऑप्टोमेट्री येथे डिप्लोमा इन ऑप्टोमेट्री अभ्यासक्रमासाठी प्रवेश प्रक्रिया सुरू
अहिल्यानगर
वर्धमान महावीर कॉलेज ऑफ ऑप्टोमेट्री येथे डिप्लोमा इन ऑप्टोमेट्री अभ्यासक्रमासाठी प्रवेश प्रक्रिया सुरू प्रवेशासाठी ३० नोव्हेंबर २०२५ पर्यंत अंतिम मुदत आहे.
आताच्या काळात नेत्र विज्ञान क्षेत्रात चांगल्या करिअरच्या अनेक संधी उपलब्ध झाल्या आहेत. डोळे तपासणी, चष्म्याचा नंबर काढणे, काचा बनवणे अशा तांत्रिक अभ्यासासाठी ऑप्टोमेट्री अभ्यासक्रम उपयुक्त आहे. यादृष्टीने आनंदऋषीजी हॉस्पिटल संलग्नित वर्धमान महावीर कॉलेज ऑफ ऑप्टोमेट्री (आऩंदऋषीजी नेत्रालय) येथे डिप्लोमा इन ऑप्टोमेट्री अभ्यासक्रम सुरू झाला आहे.
दोन वर्षांच्या या अभ्यासक्रमासाठी प्रवेश प्रक्रिया सुरू झाली असून जीवशास्त्रासह (PCB) बारावी उत्तीर्ण विद्यार्थ्यांना या अभ्यासक्रमासाठी प्रवेश मिळणार आहे. सदर कॉलेज नाशिक येथील एमयुएचएसशी (MUHS-Mahrashtra University of Health Sciences) संलग्न आहे.
डिप्लोमा इन ऑप्टोमेट्री या दोन वर्षांच्या अभ्यासक्रमात ६ महिने इंटर्नशिपचा समावेश आहे. इंग्रजी भाषेत अध्यापन केले जाते. इंग्रजी कौशल्य, व्यक्तिमत्त्व विकास, शिष्टाचार प्रशिक्षणासह आधुनिक शिक्षणाचा यात समावेश आहे.
या सुसंधीचा इच्छुक विद्यार्थ्यांनी लाभ घ्यावा असे आवाहन करण्यात आले आहे. सदर अभ्यासक्रम चालवणारे हे नगर जिल्ह्यातील पहिलेच कॉलेज आहे.
या अभ्यासक्रमासाठी २० जागा असून प्रथम येणाऱ्यांना प्राधान्य देण्यात येणार आहे. प्रवेशासाठी ३० नोव्हेंबर २०२५ पर्यंत अंतिम मुदत आहे.
दरवर्षी फी रु.३०,०००/- फक्त प्रवेश प्रक्रिया व अधिक माहितीसाठी संपर्क – वर्धमान महावीर कॉलेज ऑफ ऑप्टोमेट्री, आनंद ऋषीजी नेत्रालय आनंद ऋषीजी मार्ग अहिल्या नगर.
संपर्क- मो. ८६८६४०१५१५/ ८६८६३०१५१५.
