मराठा आरक्षणासाठी मनोज जरांगे यांनी आंतरवाली सराटी येथे सुरू केलेले उपोषण मागे घेतल्याने गेल्या चार दिवसांपासून बंद असलेली एसटी सेवा गुरूवारी रात्रीपासून सुरूळीत झाली. मराठा आरक्षणासाठी मनोज जरांगे यांचे गेल्या आठ दिवसांपासून उपोषण सुरू होते.
त्यांच्या समर्थनार्थ मराठवाड्यासह अनेक ठिकाणी मराठा समाजाच्या वतीने आंदोलन करण्यात आले. दरम्यान, सोमवारी (दि. ३० ॲाक्टोबर) मराठवाड्यात काही एसटी बसची तोडफोड झाल्याने एसटी महामंडळाने खबरदारी म्हणून जिल्ह्यातील तसेच बाहेर जाणाऱ्या सर्वच एसटी बस बंद केल्या.
गेल्या चार दिवसांपासून बस वाहतूक बंद असल्याने प्रवाशांची मोठी गैरसोय झाली. यात एकट्या अहमदनगर विभागाचे दीड कोटीचे उत्पन्न बुडाले.
