विश्वगुरू संत श्रीनिवृत्तिनाथ महाराज पालखी सोहळ्याचे अहिल्यानगरात भावपूर्ण स्वागत..

“परंपरेचा सन्मान… भक्तीचा अभिमान..अहिल्यानगर महानगरपालिकेकडून पालखी सोहळ्यास विनम्र अभिवादन..”

विश्वगुरू संत श्रीनिवृत्तिनाथ महाराज यांच्या आषाढी वारी पालखी सोहळा सन २०२६ अंतर्गत श्रीक्षेत्र त्र्यंबकेश्वर ते श्रीक्षेत्र पंढरपूर या पवित्र पालखी सोहळ्याचे शनिवार, दि. ११ जुलै २०२६ रोजी अहिल्यानगर महानगरपालिकेच्या मुख्यालयासमोर भावपूर्ण स्वागत व सन्मान करण्यात आला.

दरवर्षीप्रमाणे परंपरेनुसार महानगरपालिकेच्या मुख्यालयासमोरून मार्गक्रमण करणाऱ्या पालखीचे मनोभावे पूजन करण्यात आले. यावेळी पालखीला पुष्पहार अर्पण करून दर्शन घेण्यात आले तसेच पालखी सोहळ्याचे अध्यक्ष यांचा शाल, श्रीफळ व पुष्पगुच्छ देऊन सन्मान करण्यात आला.

या प्रसंगी महापौर सौ. ज्योती गाडे, आयुक्त श्री. यशवंत डांगे, अतिरिक्त आयुक्त श्री. नागेंद्र मुतकेकर तसेच उपायुक्त श्री. मेहेर लहारे नगरसेवक ऋग्वेद गंधे यांच्यासह अहिल्यानगर महानगरपालिकेचे अधिकारी व कर्मचारी मोठ्या संख्येने उपस्थित होते.