अहिल्यानगरच्या सेक्रेट हार्ट कॉन्व्हेंट स्कूलमध्ये आज विद्यार्थ्यांच्या अपहणाचा थरार रंगला.
अतिरेक्यांनी चक्क विद्यार्थ्यांची बस अडवली. बंदुका बाहेर काढल्या. विद्यार्थ्यांना ओलीस ठेवले. तितक्यात पोलिसांचे बॉम्ब शोधक पथक, डॉग पथक, अतिक्रमण विरोधी पथक दाखल झाले. त्यांनी अतिरेक्यांना ताब्यात घेतले.
विद्यार्थ्यांना सोडविले. हे पाहणाऱ्यांचा ह्रदयाचा ठोका चूकला मात्र, प्रत्यक्षात ती होती पोलिसांची मॉकड्रील. विद्यार्थ्यांना स्वसंरक्षणाचे धडे देण्यासाठी पोलिसांनी विद्यार्थ्यांसाठी घेतलेले हे मॉकड्रील होते.
या उपक्रमाबद्दल स्कूल प्रशासनाने पोलिसांचे आभार व्यक्त केले.
