सावेडी उपनगरातील तपोवन परिसराततील ढवण वस्तीवर दोन गटात झालेल्या वादातून बंदुकीतून गोळीबार झाल्याची घटना समोर आली आहे. यामध्ये एकजण गंभीर जखमी झाला आहे. याबाबत तोफखाना पोलीस ठाण्यात पाच जणांवर गुन्हा दाखल करण्यात आला आहे.
दोघे जण ताब्यात..
राहुल सांगळे, मयूर फणसे, आकाश नसाने, कुमार मराठे, भीमराज आव्हाड (सर्व रा. ढवण वस्ती, तपोवन रस्ता सावेडी ता. अहिल्यानगर)असे गुन्हा दाखल झालेल्या संशयित आरोपींची नावे आहेत.
याबाबत जखमी प्रमोद रामदास घोडके (वय.२४ रा. तपोवन, अहिल्यानगर) असे जखमी व्यक्तीचे नाव आहे. ही घटना सोमवारी (ता.२) रात्री साडेबारा वाजण्याच्या सुमारास तपोवन परिसरात घडली.
या घटनेची माहिती मिळताच तोफखाना पोलीस ठाण्याचे पथक घटनास्थळी दाखल झाले. पोलिसांनी याबाबत दोघांना ताब्यात घेतले असल्याचे समजते.
