नगर शहरातील प्रोफेसर चौक येथे सभेच्या अनुषंगाने छत्रपती श्री.छत्रपती शिवाजी महाराज यांच्या राज्याभिषेकाचे फोटो व इतर मजकूर असलेले बॅनर होर्डिंग अहमदनगर महानगरपालिकेच्या कर्मचाऱ्यांनी काढून टाकून होर्डिंग वरच उभा राहून शिवप्रेमींच्या धार्मिक भावना दुखावल्या म्हणून बजरंग दलाचे शहर संघटक कुणाल भंडारी यांनी दिलेल्या फिर्यादीवरून तोफखाना पोलीस ठाण्यात दि.१३ ऑक्टोबर रोजी महापालिका कर्मचाऱ्या विरुद्ध गुरनं १४९४/२०२३ भादविक २९५ (अ) प्रमाणे गुन्हा दाखल करण्यात आला आहे.
अधिक तपास तोफखाना पोलीस ठाण्याचे पोसई/सचिन रणशेवरे करत आहेत.
बजरंग दलचे शहर संघटक कुणाल भंडारी,शिवसेनेचे जिल्हाध्यक्ष अनिल शिंदे, शहराध्यक्ष दिलीप सातपुते, भाजपचे शहराध्यक्ष अभय आगरकर,काका शेळके,आदी शिवप्रेमी यावेळी उपस्थित होते.
