मुंबईकरांची चिंता वाढणार.
पावसाळ्यात डेंग्यू, मलेरियासह अनेक साथीचे आजार उद्भवत असतात. त्यात आता झिका व्हायरसची भर पडली आहे. मुंबईत झिका व्हायरसचा पहिला रुग्ण आढळला आहे.
मुंबईत चेंबूर येथे झिका विषाणू बाधित रूग्णाची नोंद करण्यात आली आहे. मुंबई पालिकेच्या एम पश्चिम विभागात एका 79 वर्षीय रूग्णाला झिका व्हायरसची लागण झाल्याचे आढळून आले.
या रूग्णाला 19 जुलै 2023 पासून ताप, सर्दी आणि खोकला अशी लक्षणे होती. यानंतर रूग्णाने खासगी वैद्यकीय उपचार घेतले.
पुण्यातील राष्ट्रीय विषाणू विज्ञान संस्थेने झिका रूग्णाबाबतची माहिती दिली होती.
दरम्यान रुग्णावर उपचार करुन त्याला घरी सोडण्यात आले आहे.
