पद्मशाली सोशल फाउंडेशन ट्रस्टचा समाजोपयोगी उपक्रम – विद्यार्थ्यांच्या शिक्षणाला बळ

पद्मशाली सोशल फाउंडेशन ट्रस्ट, अहिल्यानगर यांच्या वतीने श्री मार्कंडेय शैक्षणिक संकुल येथे शहरातील विविध शाळांमधील १५० गरजू विद्यार्थ्यांना शालेय दप्तरांचे वाटप करण्यात आले.

या उपक्रमाचा लाभ श्री मार्कंडेय प्राथमिक विद्यालय (श्रमिकनगर), दादा चौधरी मराठी शाळा, दादा चौधरी विद्यालय, महात्मा फुले विद्यामंदिर, जिल्हा परिषद प्राथमिक शाळा (उक्कडगाव), प्रगत माध्यमिक व उच्च माध्यमिक विद्यालय, कै. वि. ल. कुलकर्णी प्राथमिक शाळा, बालक मंदिर महिला मंडळ, सिताराम सारडा माध्यमिक विद्यालय, मनोहरलाल रामचंद्र सबलोक प्राथमिक विद्यालय, शारदा विद्यामंदिर, १०८ श्री महंत पंडित सुच्चासिंगजी महाराज माध्यमिक विद्यालय, श्रीमती पार्वतीबाई डहाणूरकर कन्या विद्यालय आणि महर्षी ग. ज. चितांबर विद्यामंदिर येथील विद्यार्थ्यांना देण्यात आला.

गेल्या दहा वर्षांपासून सातत्याने राबविण्यात येणाऱ्या या उपक्रमातून आतापर्यंत १,५०० विद्यार्थ्यांना शालेय दप्तरांचे वाटप करण्यात आले असून, गरजू विद्यार्थ्यांचे शिक्षण आर्थिक अडचणींमुळे खंडित होऊ नये, हा या उपक्रमामागील मुख्य उद्देश आहे.