अहिल्यानगर महानगरपालिकेच्या स्थायी समितीच्या सभापतीपदी मा.श्री.सुभाष लोंढे यांची निवड झाल्याबद्दल तसेच महिला व बालकल्याण समितीच्या सभापतीपदी सौ.दिपाली बारस्कर आणि उपसभापतीपदी सौ.वर्षा सानप यांची निवड झाल्याबद्दल १० मार्च २०२६ रोजी त्यांचे अभिनंदन करण्यात आले. शहराच्या विकासासाठी आणि नागरिकांच्या हितासाठी महत्त्वपूर्ण भूमिका बजावणाऱ्या या पदांवर निवड झाल्यामुळे सर्व स्तरातून त्यांच्यावर अभिनंदनाचा वर्षाव होत आहे.
या प्रसंगी सर्व मान्यवरांच्या उपस्थितीत नव्याने निवड झालेल्या पदाधिकाऱ्यांना शुभेच्छा देण्यात आल्या. शहराच्या सर्वांगीण विकासासाठी, नागरिकाभिमुख योजना प्रभावीपणे राबवण्यासाठी तसेच महिला व बालकल्याण क्षेत्रातील उपक्रमांना अधिक गती देण्यासाठी या नव्या नेतृत्वाकडून महत्त्वपूर्ण कामगिरी होईल, असा विश्वास यावेळी व्यक्त करण्यात आला.
या वेळी महापौर सौ. ज्योती गाडे, उपमहापौर ॲड. धनंजय जाधव जिल्हा परिषदेचे मुख्य कार्यकारी अधिकारी आनंद भंडारी, अहिल्यानगर महानगरपालिकेचे आयुक्त यशवंत डांगे, यांसह महानगरपालिकेचे सर्व नगरसेवक, पदाधिकारी आणि मान्यवर उपस्थित होते. सर्वांनी नव्याने निवड झालेल्या पदाधिकाऱ्यांना पुढील कार्यकाळासाठी शुभेच्छा देत शहराच्या प्रगतीसाठी एकत्रितपणे कार्य करण्याचा संकल्प व्यक्त केला.
