महापौरपदासाठी राष्ट्रवादीच्या ज्योती गाडे, तर उपमहापौरपदासाठी भाजपचे धनंजय जाधव अर्ज दाखल करणार

अहिल्यानगर महानगरपालिकेच्या महापौर आणि उपमहापौर निवडीचे चित्र आता स्पष्ट झाले असून, युतीमधील सत्तावाटपाचा फॉर्म्युला निश्चित झाला आहे.

राष्ट्रवादी काँग्रेस (अजित पवार गट) च्या ज्योती गाडे महापौरपदासाठी, तर भाजपचे धनंजय जाधव उपमहापौरपदासाठी आपले उमेदवारी अर्ज दाखल करणार आहेत.

अहिल्यानगर महानगरपालिकेत एकूण ६८ नगरसेवक आहेत. यामध्ये भाजप आणि राष्ट्रवादी (AP) युतीकडे ५२ नगरसेवकांचे मोठे संख्याबळ असल्याने युतीचा विजय निश्चित मानला जात आहे.

पालकमंत्री राधाकृष्ण विखे पाटील, आमदार संग्राम जगताप आणि माजी खासदार सुजय विखे पाटील यांच्या उपस्थितीत झालेल्या महत्त्वपूर्ण बैठकीत या नावांवर शिक्कामोर्तब करण्यात आले.