प्रोफेसर चौक येथील परिवर्तन प्रतिष्ठान संचलित पालवी शिशुविहार येथे येत्या 23 जानेवारी रोजी वसंत पंचमी अर्थात सरस्वतीमाता प्रकट दिनाचे औचित्य साधून विद्यारंभ संस्कार सोहळ्याचे आयोजन करण्यात आले आहे.
या संस्कार सोहळ्यासाठी चार वर्ष पूर्ण झालेल्या बालकांना नाव नोंदणी करता येणार असल्याचे पालवी शिशुविहारच्या संचालिका सौ. मुग्धा घोटणकर यांनी सांगितले.
बासर येथील एकमेव सरस्वती मंदिरात केला जाणारा हा संस्कार अहिल्यानगर शहरात करता येणार आहे. भारतीय संस्कृतीतील सोळा संस्कारांपैकी एक असलेला हा संस्कार औपचारिक विद्या ग्रहण करण्याची सुरवात करण्यासाठी केला जातो. सरस्वतीच्या आशीर्वादाने आणि आईच्या मांडीवर बसून केला जाणाऱ्या या संस्काराचे मुलांच्या शैक्षणिक प्रगतीसाठी महत्व सांगितले आहे.
सदर सोहळा 23 जानेवारी, शुक्रवार रोजी पालवी शिशुविहारच्या प्रांगणताच संपन्न होणार असून या संस्कार सोहळ्यासाठी जास्तीत जास्त नावनोंदणी करून लाभ घेण्याचे आवाहन पालवी शिशुविहारच्या प्रधानाचार्या सौ. स्वाती खिस्ती तसेच व्यवस्थापिका सौ. मानसी देशपांडे यांनी केले आहे.
सदर उपक्रमाविषयीच्या अधिक माहितीसाठी तसेच नावनोंदणी साठी 9011568567 या क्रमांकावर संपर्क करण्याचे शाळेच्या वतीने सांगण्यात आले आहे.
