नगर शहरात भयंकर प्रकार – डॉक्टर महिलेला गुंगीचे औषध देऊन काढले व्हिडीओ, नंतर धर्मांतरासाठी दबाव

अधिक माहिती अशी  – पीडित डॉक्टर महिला आणि आरोपी इरफान शेख यांची ओळख 2022 मध्ये एका रुग्णालयात झाली होती. ओळखीचा गैरफायदा घेत आरोपीने महिलेला वेगवेगळ्या कारणांनी धमकावण्यास सुरुवात केली. मार्च 2025 मध्ये त्याने माफी मागण्याच्या बहाण्याने पीडितेला एका खासगी ठिकाणी बोलावले. तेथे त्याने पीडितेला चॉकलेट दिले, जे खाल्ल्‌‍‍यानंतर पीडितेला चक्कर येऊ लागली.

याच संधीचा फायदा घेत आरोपीने तिच्यावर लैंगिक अत्याचार केला व त्याचे चित्रीकरण केले. त्यानंतर सदर व्हिडिओ व्हायरल करण्याची धमकी देत त्याने वारंवार अत्याचार केला. तो तिला सतत लग्न करण्यास, धर्मपरिवर्तन करण्यास भाग पाडत होता. त्याने गझवा-ए-हिंद करायचा आहे, असेही पीडितेला सांगितल्याचे फिर्यादीत नमूद करण्यात आले आहे.

सध्या पोलिसांकडून पुढील तपास सुरू असून, आरोपीविरुद्ध अत्याचार, धमकी, धर्मांतरास भाग पाडणे अशा विविध कलमांखाली गुन्हा दाखल करण्यात आला आहे.