दि. 8, 9 व 10 मे रोजी पद्मशाली समाजाचे श्री मार्कडेंय मंदिर सभा मंडपाचे जिर्णोध्दार

अहमदनगर शहरातील संपुर्ण जिल्हयातील पद्मशाली समाजाचे आराध्य दैवत महामृत्यूंजय श्री मार्कडेंय महामुनी मंदिर सभामंडपाचे जिर्णोध्दार आळंदी येथील प.पू.श्री.द्विगविजयनाथ महाराज, डोंगरगण येथील ह.भ.प. जंगले महाराज शास्त्री व श्री विशाल गणेश मंदिराचे प.पू.श्री संगमनाथ महाराज यांचे शूभहस्ते तसेच अहमदनगर जिल्हयाचे मा.जिल्हाधिकारी श्री.सिध्दाराम सालिमठ साहेब, जिल्हा पोलीस अधिक्षक श्री.राकेश ओला साहेब, महानगरपालिकेचे आयुक्त श्री.पंकज जावळे साहेब, धर्मादाय उपायुक्त श्रीमती पाटील साहेब, कोतवाली पोलीस स्टेशनचे पो.नि. श्री.प्रताप दराडे साहेब व तोफखाना पोलीस स्टेशनचे पो.नि. श्री.आनंद कोकरे साहेब यांच्या प्रमुख उपस्थितीत होणार असल्याची माहिती पद्मशाली पंचकमेटी ज्ञाती समाज, श्री मार्कडेंय देवस्थान कमेटी, पद्मशाली विद्याप्रसारक मंडळ व समस्त पद्मशाली समाज बांधवांच्या वतीने दिली आहे.

श्री मार्कडेंय मंदिर हे 102 वर्षापुर्वी 1922 साली स्थापन झालेली एैतिहासिक मंदिर असून मंदिरातील श्री मार्कडेंय महामुनींची मुर्ती 8 मे 1970 साली स्थापन झालेली असून या मुर्तीला 54 वर्ष पुर्ण झालेली आहे, त्याचेच औचित्य साधुन व हिंदु धर्मातील साडेतीन मुहूर्तापैकी एकमुहूर्त अक्षय तृतीया या दिवशी मंदिर सभामंडपाचे भुमीपुजन आयोजीत केले आहे.

या धार्मिक कार्यक्रमामध्ये दि.8 मे रोजी सकाळी 7.30 ते 9.00 वा. पर्यंत श्री षडविनायक पुजन, पुण्याहवाचन व श्री मार्कडेंश्वर रुद्राभिषेक, सकाळी 9.00 ते 11.30वा. पर्यंत श्री मातृका पुजन, श्री नक्षत्र पूजन व श्री चतूषस्ट योगिनी पुजन व सायंकाळी 7.00वा. श्री मार्कडेंश्वराचे संध्या आरती, भजन व प्रसाद वाटपाचे आयोजन केले आहे.

दि 9 मे रोजी सकाळी 7.30 ते 10.00 पर्यंत मंदिरातील इतर सर्व देवतांचे अभिषेक पुजन, क्षेत्र पालक पुजन, वास्तुमंडल अधिष्ठान देवता पूजन व श्री नवग्रह पूजन, सकाळी 11.00वा. यज्ञविधी (होम हवन) तसेच सायंकाळी 7.00वा. श्री मार्कडेश्वराचे संध्या आरती व रात्री 8.00वा. श्रीराम भक्त हनुमान संत्संग मंडळ ट्रस्ट, श्रीराम मंदिर नवीपेठ यांचे भव्य हनुमान चालिसा व त्यानंतर प्रसाद वाटपाचे आयोजन केले आहे.

दि. 10 मे रोजी सकाळी 7.30 वा. श्री मार्कडेंश्वर रुद्राअभिषेक व भजनसंध्या व दुपारी 11.00वा. श्री मार्कडेंय सभा मंडप भुमीपुजन समारंभ व त्यानंतर महाआरती व प्रसाद वाटपाचे आयोजन केले आहे.

या संपुर्ण कार्यक्रमासाठी पद्मशाली समाजातील व श्री मार्कडेंय महामुनींवर श्रध्दा असणा-या भक्तांनी उपस्थित राहुन कार्यक्रमाची शोभा वाढवावी असे आवाहन पद्मशाली समाज बांधवांच्या वतीने करण्यात आले आहे.

आपले नम्र

गणेश विद्ये

श्रीनिवास बोज्जा

ॲड.राजू गाली

दत्तात्रय रासकोंडा