सहज ध्यानाने अध्यात्मिक उंची बरोबर सामाजिक उंची पण वाढते – प्रा. नितीन पवार

अनिल मकोणे यांची म. रा. पोलीस पाटील असो.च्या अहिल्यानगर जिल्हाध्यक्ष पदी निवड झाल्याबद्दल सन्मान..

सहजयोगी पोलीस पाटील श्री अनिल मकोणे रा. मौजे अंमळनेर, ता. नेवासा, जि. अहिल्यानगर यांची महाराष्ट्र राज्य पोलीस पाटील असोसिएशन च्या अहिल्यानगर जिल्हा अध्यक्ष पदी निवड झाल्याबद्दल अहिल्यानगर जिल्हा सहजयोग परिवाराच्या वतीने महाराष्ट्र राज्य प्रचार प्रसार समन्वयक प्रा. नितीन पवार यांचे हस्ते सहज भुवन, गोविंदपुरा, अहिल्यानगर येथे सन्मान करण्यात आले या वेळी अहिल्यानगर जिल्ह्याचे मा. जिल्हा सामन्वयक श्रीनिवास बोज्जा, अमोल यावलकर, घुगरे सर, अशोक तरकसे, रावसाहेब भोपळे बनोटे अप्पा, कुंडलिक ढाकणे व विठ्ठल जाधव, मनोज वाकचौरे अनिल गवळी या वेळी उपस्थित होते.

या वेळी बोलतांना प्रा. पवार म्हणाले सहजयोग हा साधारण योग राहिलेला नसून हा योग आज संपूर्ण जगातील 140 देशा पेक्षा जास्त देशातील साधक मोठया प्रमाणात सहजयोग ध्यान साधना करीत असून ही ध्यान साधना केल्यामुळे अध्यात्मिक उंची बरोबर सामाजिक उंची पण वाढते व याचाच प्रत्येय म्हणजे अनिल मकोणे यांची निवड आहे.

या वेळी सत्काराला उत्तर देतांना पोलीस पाटील अनिल मकोणे म्हणाले मी गेल्या वर्षभरा पासून सहजयोग ध्यान साधना नित्य नियमाने करीत असून मला सामाजिक, आर्थिक व आरोग्यविषयकही फायदा झाला असून आज माझी जिल्हा अध्यक्ष पदी निवड म्हणजे प. पु. माताजींनी मला सेवा केल्या बद्दल दिलेला प्रसाद आहे असे ते म्हणाले.

कार्यक्रम चे स्वागत कुंडलिक ढाकणे यांनी केले तर आभार प्रदर्शन अभय ठेंगणे यांनी मानले. या वेळी अहिल्यानगर सह संगमनेर, श्रीरामपूर, पाथर्डी, नेवासा, लोणी, राहाता, राहुरी, सुपा सह जिल्ह्यातील सहजयोगी मोठया प्रमाणात उपस्थित होते.